Ըստ գերմանացի գիտնականների 2014թ.-ին ողջ աշխարհի մասշտաբով սպասվում են ամենաուժեղ տապը, հրդեհներն ու նույնիսկ երաշտը: Այս մասին հաղորդում է Росбалт.ru-ն՝ հղում կատարելով Myjane-ին:
Գիտնականների խոսքով ջերմության ավետողը Էլ-Նինյո կոչվող բնական երևույթն է: Այն հազվադեպ է հանդիպում և նրա «գալուստն արձանագրվում է» Խաղաղ օվկիանոսի հասարակածային մասում ջրի ջերմաստիճանի զգալի աճով:
Սրան հետևում է քամու ուղղության փոփոխությունը, ինչն էլ իր հերթին որոշ շրջաններում՝ երաշտի, իսկ որոշներում էլ՝ ջրհեղեղների և հորդառատ անձրևների պատճառ է դառնում: