Օրերս Հայաստան ժամանած՝ քրեական հեղինակություն Զապին՝ Անդրանիկ Սողոյանին, այսօր՝ հոկտեմբերի 30-ին հայտնաբերել են Երեւանի Խորենացի փողոցից:
Ոստիկանության լրատվական ծառայությունից հայտնեցին, որ 46-ամյա Անդրանիկ Սողոյանը Չեխիայի Հանրապետության Քրեական օրենսգրքի 219-րդ հոդվածի 1-ին եւ 2-րդ մասերի /սպանութուն/, 235-րդ հոդվածի 1-ին մասի /շորթում/ մեղադրանքով հեռակա դատապարտվել է 22 տարվա ազատազրկման:
Հոկտեմբերի 20-ին Անդրանիկ Սողոյանի նկատմամբ Չեխիայի Հանրապետության իրավապահ մարմինների կողմից տրվել է եվրոպական կալանքի սանկցիա եւ հայտարարվել միջազգային հետախուզում:
Հոկտեմբերի 30-ին ՀՀ ոստիկանության քրեական հետախուզության գլխավոր վարչության ծառայողները Երեւանի Խորենացի փողոցից հայտնաբերել եւ բերման են ենթարկել Անդրանիկ Սողոյանին:
Ա. Սողոյանը ձերբակալված է, որի մասին հայտնվել է ՀՀ գլխավոր դատախազությանը եւ ՀՀ-ում Ինտերպոլի ԱԿԲ-ին: