Ստամբուլի Գումգափու թաղամասում գտնվող հայկական Սուրբ Մարիամ Աստվածածին եկեղեցում սկսվել է Հայոց ցեղասպանության զոհերի հիշատակին նվիրված պատարագը։ «Սուրբ Մարիամ Աստվածածին եկեղեցում սկսվել է 1915 թվականի իրադարձությունների ժամանակ զոհվածների հիշատակին նվիրված պատարագը։ Առաջին անգամ Թուրքիայի կառավարությունը նախարարի մակարդակով մասնակցում է այսպիսի արարողության։ Սպասվում է, որ քիչ անց եկեղեցի է ժամանելու Թուրքիայի՝ Եվրամիության հարցերով նախարար Վոլքան Բոզքըրը», – գրում է թերթը։ Նշենք, որ պատարագը մատուցում է Պոլսո հայոց պատրիարքի ընդհանուր փոխանորդ Արամ արքեպիսկոպոս Աթեշյանը։
Բավ է պառակտվել