Հայաստանում ծնելիությանը նպաստելու համար մի բան էր լավ. Անվճար ծննդօգնություն, բայց անգամ այդ պայմաններում ծնելիության մակարդակը բարձր չէ: Սոցիալական խնդիրների ու շարունակական թանկացումների հետևանքով, այսօր երիտասարդները մեկ երեխայից ավել ցանկություն չունեն ունենալու:
Իսկ հիմա էլ մի նոր որոշման համաձայն հղիներին տրվող որոշ ծառայություններ մարտի 1-ից դառնալու են վճարովի. Որոշ անալիզների համար հղիները ստիպված կլինեն վճարել 500-1000 դրամ, իսկ ահա խնդիրների դեպքում հիվանդանոցում մնալու համար, նախկին անվճարի փոխարեն օրական 5000 դրամ կվճարեն:
Նշենք, որ հղիության ընթացքում այնպիսի խնդիրներ կարող են առաջանալ, որ անհրաժեշտ է լինում 2-3 ամիս անցկացնել հիվանդանցում:
Նշենք, որ այսօր ՛՛Ձեռքներդ հեռու՛ հղիների գրպաններից՛՛ նախաձեռնությունն այսօր բողոքի ակցիա է ծրագրել ՀՀ առողջապահության շենքի մոտ:
Իսկ ահա ֆեյսբուքյան օգտատեր Գոհար Հայրապետյանն իր էջում անրադառնալով այս խնդրին գրել է
՛՛Լսե՛ք, դուք՝ փորիկով ձյաձյաներ, որ նստել եք ձեր տաքուկ կաբինետներում ու որոշում եք մեր ապագա ճակատագիրը: Ձեր անտակ փոր-հորերի մեջ ձեր կերած քաբաբներն են, իսկ մեր արգանդում՝ ապագա կյանքը, մեր երկրի ապագան: Մինչ դուք զվարճանում եք օբյեկտներում, մենք երկրի զինվորներին ենք կրում մեր սրտի տակ: Ձեր քաբաբների փողը մեզնից մի՛ հանեք: Մնում է միայն մեր երեխաների կրծքի կաթը կթեք, շշալցնեք ու վաճառեք: Մի˚թե ձեզ մայր չի լույս աշխարհ բերել: Ձեռքերդ հեռու հղիների գրպաններից: Վաղը ժամը 13:00-ին մենք կգանք Առողջապահության նախարարության շենքի առջև պաշտպանելու մեր ծնված ու դեռևս չծնված երեխաների շահերը…՛՛,– ասվում է ՛՛Չենք վճարելու հիմա, չենք վճարելու երբեք՛՛:
Հիշեցնենք, որ բողոքի ակցիան պայմանավորված է Առողջապահության նախարարության հայտարարության հետ, համաձայն որի, մարտի 1-ից առողջապահության ոլորտում մի շարք ծառայություններ, որոնք այժմ անվճար են, կդառնան վճարովի: Այդ փոփոխությունների թվին են պատկանում պոլիկլինիկաներում այժմ իրականացվող անվճար բուժզննումները և հղիության ընթացքում առաջացած բարդությունների բուժումները: