Այսօր «Հայաստանի էլեկտրացանցեր» ընկերությանը տուգանվեց 20 մլն դրամով. ընկերության կամայական գործողությունների արդյունքում բնակիչները զրկվել են էլեկտրամատակարարումից, նման որոշում կայացրեց Տնտեսական մրցակցության պաշտպանության պետական հանձնաժողովը: Ըստ ՏՄՊՊՀ նիստին զեկուցող հանձանաժողովի վերլուծության վարչության մասնագետ Դավիթ Փինաչյանի
Ծիծեռնակաբերդի խճուղի 1/3 շենքի բնակիչները դիմել են ՏՄՊՊՀ-ին, տեղեկացնելով, որ վերոնշյալ հասցեում գտնվող նորակառույց շենքի շինարարական աշխատանքները ամբողջությամբ ավարտվել են դեռևս 4 տարի առաջ և շենքը հանձնվել է շահագործման: Սակայն, էլեկտրաէներգիա չունենալու պատճառով չեն կարողանում բնակություն հաստատել իրենց սեփական բնակարաններում: Նրանք դիմել են «Հայաստանի էլեկտրական ցանցեր» ընկերությունը, սակայն ընկերության կողմից խնդրի լուծման ուղղությամբ կոնկրետ քայլեր չեն ձեռնարկվել: «Հետևաբար, Հանձնաժողովի դիտարկմամբ, ընկերությունն իրավասու չէ կամայական սկզբունքով որոշել բնակիչներին էլեկտրաէներգիա տրամադրելու կամ չտրամադրելու հարցը:
Հանձնաժողովի պահանջով ՀԷՑ-ը ներկայացրել է պարզաբանումներ խնդրի վերաբերյալ` նշելով, որ իրենք պայմանագիր կարող են կնքել ոչ թե բնակիչների, այլ շենքի կառուցապատողի` «Միլլար» ՍՊԸ-ի հետ: Ըստ ՀԷՑ-ի՝ վերջինիս հետ արդեն իսկ կնքվել է պայմանագիր, սակայն ՍՊԸ-ի կողմից որոշակի պարտավորությունների չկատարման պատճառով` գործն ավարտին չի հասել:
«ՏՄՊՊՀ դիտարկմամբ՝ ՀԷՑ-ի գործողությունները և պահանջը անօրինական են: Ստացված գրավոր տեղեկատվության, ինչպես նաև կողմերի հետ կազմակերպված քննարկումների և լսումների արդյունքում, Հանձնաժողովը հանգեց այն եզրակացությանը, որ ՀԷՑ-ի գործողությունները չեն բխում օրենքից»,-ընդգծեց մասնագետն ու հավելեց, որ 2010-ին «Միլլար» ՍՊԸ-ի և ՀԷՑ-ի միջև կնքված պայմանագրի համաձայն, շենքի էլեկտրամատակարարումը պետք է ավարտվեր դեռևս 2011թ.-ին, ինչը փաստացի չի կատարվել:
ՀԷՑ-ը պարտավոր է 7-օրյա ժամկետում կատարել ՏՄՊՊՀ-ի որոշման պահանջը և 7-օրյա ժամկետում բնակիչների հետ կնքել էներգամատակարարման պայմանագրեր: