Այսօր, լրագրողների հետ հանդիպմանը, ՕԵԿ պատգամավոր Հեղիներ Բիշարյանը նշեց, որ գազամատակարարման խնդիրներն ուսումնասիրող Ազգային ժողովում ստեղծված ժամանակավոր հանձնաժողովը խորհրդարանական բոլոր ուժերի սրտով է:
Նա նշեց, որ այս նախաձեռնության հիմքում որեւէ հակառակ բան չկա, պետք չի հակադրության մեջ տեսնել այս ամենը:
Նշենք, որ հանձնաժողով ստեղծելու մասին առաջարկ ներկայացրել էին ԱԺ 4 ոչ կոալիցիոն ուժերը, որը սակայն չէր ընդունվել, քանի որ կոալիցիոն ուժերը դեմ էին արտահայտվել: Երեկ արդեն ԱԺ նախագահ Հովիկ Աբրահամյանի հետ քննարկման ժամանակ որոշվել էր ստեղծել այդ հանձնաժողովը:
Հեղինե Բիշարյանի խոսքով` հանձնաժողովն աշխատելու է մինչեւ նոյեմբեր, սակայն կլինեն հարցեր, որոնց պատասխանները կտրվեն ժամկետից շուտ:
«Ուրբաթ օրը մեկ հանդիպում էլ կլինի, որից հետո արդեն երկուշաբթի կստեղծվի աշխատանքային խումբը, որի մեջ կընդգրկվեն 4 ներկայացուցիչ ՀՀԿ-ից, իսկ մյուս կուսակցություններից կլինի 1-ական ներկայացուցիչ»,- ասաց ՕԵԿ պատգամավորը: