Ռուսաստանում Եկատերինա Չուբկովեցին մեղավոր են ճանաչել սեփական երկու տարեկան դստեր սպանության համար: Դատախազությունը պարզել է, որ նախորդ տարվա փետրվարի 9-ին Չուբկովեցը, զայրանալով, որ երեխան լալիս է, երաժշտական կենտրոնի լարը գցել է նրա վիզն ու խեղդել: Կինը փորձել է քննիչներին համոզել, որ դա դժբախտ պատահար էր, սակայն նրա վարկածը հերքվել է: Ավելի վաղ նրան զրկել էին իր երկու փոքրահասակ երեխաների հանդեպ ծնողական իրավունքից: Կինը դատապարտվել է 13 տարի ազատազրկման. Հաղորդել են Ռուսաստանի Քննչական կոմիտեում: