Թուրքիայի հարավում գտնվող Գազիանտել քաղաքում հարսանիքի ժամանակ տեղի ունեցած պայթյունի հեղինակը անչափահաս է, 12-14 տարեկան։ Այս մասին հայտարարել է Թուրքիայի նախագահ Ռեջեփ Թայիփ Էրդողանը:
Նրա խոսքով, պայթուցիկ սարքը գործի է դրել կամ ինքը՝ մահապարտը, կամ մեկ այլ անձ։ Թուրքիայի նախագահը նաև ասել է, որ նախնական տվյալներով, հարձակումը գործել էեն «Իսլամական պետություն» ահաբեկչական կազմակերպության գրոհայինները։
Նա ներկայացրել է տվյալներ, որոնց համաձայն պայթյունի հետևանքով մահացել է 51 մարդ, 69 մարդ տուժել ՝ ստանալով տարբեր աստիճանի մարմնական վնասվածքներ, նրանցից 17-ը գտնվում են ծանր վիճակում։
Հարսանիքի ժամանակ մարդկանց վրա հարձակումը տեղի է ունեցել օգոստոսի 21-ի գիշերը։ Դեպքի վայրում ոստիկանները հայտնաբերել էին ահաբեկչի մարմնի մասեր։ Առայժմ որևէ կազմակերպություն իր վրա չի վերցրել կատարվածի պատասխանատվությունը։