Մեքսիկայի նահանգներից մեկում՝ Իդալգոյում, խոլերայով հիվանդ արդեն 77 մարդ կա, հաղորդում է «ՌԻԱ Նովոստի»-ն:
Մեքսիկայի Առողջապահության նախարար Մերսեդես Խուան Լոպեսի խոսքով՝ նահանգի իշխանությունների կողմից արվում է ամեն ինչ հիվադության հետագա տարածումը կանխելու համար:
Ըստ մասնագետների` համաճարակի պատճառ կարող էր դառնալ ջրի աղտոտվածությունը։ Վերջին շաբաթներին Մեքսիկայում մեծ քանակի տեղումներ էին գրանցվել՝ «Ինգրիդ» եւ «Մանուել» փոթորիկների հետեւանքով: Իշխանությունները կոչ են անում զտված ջուր օգտագործել: