Եգիպտոսում վերջին երկու օրվա ընթացքում առնվազն 40 մարդ մահացել է խիստ շոգ եղանակից: Եգիպտոսի առողջապահության նախարարության տվյալներով` մահվան ելքով 26 դեպք գրանցվել է Կահիրեում: Գերատեսչության տվյալներով` օգոստոսի 10-ին, երբ ջերմաստիճանը հասել է 40 աստիճանի` ըստ Ցելսիուսի, 19 մարդ է մահացել, իսկ կիրակի` օգոստոսի 9-ին, եղանակային պայմանների զոհ է դարձել 21 մարդ: Հաղորդվում է, որ զոհերի մեծ մասը մեծահասակ մարդիկ էին: Վերջին շաբաթներին Եգիպտոսում անոմալ շոգ է գրանցվել: