Թուրքիայի էներգետիկայի նախարար Թաներ Յըլդըզը հայտարարել է, որ Երկրի Մանիսա նահանգի ածխահանքում օրերս տեղի ունեցած պայթյունի հետևանքով զոհերի թիվը հասել է 292-ի, տեղեկացնում է ԻՏԱՌ ՏԱՍՍ-ը։
Փրկարարներն ածխահանքից դուրս են բերել ևս 8 դի, գետնի տակ շարունակում է մնալ մոտ տասը հանքափոր։
Նրանց տարհանելու աշխատանքները շարունակվում են, սակայն ողջ մնացածների հայտնաբերելու հույս գրեթե չկա։
«Վթարի պահին հանքում գտնվել է 787 մարդ, նրանցից 485-ին հաջողվել է փրկել»,- հայտնել է նախարարը։