Ֆրանսիայի նախկին նախագահ Նիկոլա Սարկոզին կարծում է, որ Թուրքիան չպետք է դառնա Եվրամիության անդամ, և սխալ է թուրքերին այս հարցում կեղծ հույսեր տալը: «Սխալ կլիներ թուրքերին խաբելը և կեղծ հույսեր տալը այն, թե Թուրքիան կարող է դառնալ Եվրոպայի մաս: Թուրքիայի հետ մենք նեղ համագործակցություն պետք է ունենանք, ընդհանուր հետաքրքրություններ, սակայն այդ երկիրը չպետք է դառնա ԵՄ անդամ»,-ասել է Սարկոզին: Կազմակերպությանն անդամակցելու հայտն Անկարան ներկայացրել է 1987թ.: Թուրքիայի ԵՄ-անդամակցության Բանակցությունները սկսվել են 2005 թ.: Թուրքիայի ԵՄ անդամակցության բանակցությունները բազմիցս բարդացվել են տարաձայնությունների պատճառով, ինչը հանգեցրել է դրանց կասեցմանը: Հիմնական խոչընդոտը մնում է այդ երկրի կողմից Հյուսիսային Կիպրոսի օկուպացիայի խնդիրը: