Հնդկաստանի ուխտավորների ավտոբուսը Նեպալի արեւմուտքում շրջվել է լեռնային կածանի վրա եւ ընկել գետը: Զոհվել է 18 մարդ, մոտ 60 մարդ տարբեր աստիճանի վնասվածքներով տեղափոխվել են մոտակա հիվանդանոցներ: Վթարը տեղի է ունեցել երկուշաբթի երեկոյան, հաղորդում է BBC-ի ռուսական ծառայությունը:
Պյուտան շրջանի ներկայացուցչի խոսքերով, ավտոբուսը վերադառնալիս է եղել հինդուիստների հայտնի ուխտատեղից՝ Նեպալի մայրաքաղաք Քաթմանդուից 450 կմ հեռավորության վրա գտնվող Սվարգադվարի եկեղեցական համալիրից: Մահացածները հիմնականում հյուսիսային հնդկական Ուտար Պրադեշի նահանգի ուխտավորներն են:
Ճանապարհների ոչ բարձր որակը եւ ավտոմեքենաների վատ վիճակը ոչ անվտանգ վարման պայմաններում նեպալյան ճանապարհներին հազարավոր մարդկանց կյանք խլող հաճախակի կրկնվող վթարների հիմնական պատճառներն են: