Վաշինգթոնում ՛՛Մաքդոնալդս՛՛ ռեստորաններից ցանցի մասնաճյուղի աշխատակիցները գործադուլ են կազմակերպել: Նրանք բողոքում են ընդդեմ աշխատանքային ոչ բարենպաստ պայմանների: Չաշխատող օդորակիչի պատճառով մարդիկ աշխատում են անտանելի շոգի պայմաններում:
Վարձակալողն անտեսում է անսարք տեխնիկան, մասնավորապես օդորակիչը, եւ աշխատակիցների խնդրանքները օդափոխման մոնտաժի վերաբերյալ:
Սա հանգեցրել է նրան, որ սրճարանի աշխատակցուհիներից մեկը չի դիմացել բարձր ջերմաստիճանին ու կորցրել է գիտակցությունն անմիջապես աշխատանքի ընթացքում: Գործընկերները փորձել են նրան ուշքի բերել, սակայն անհաջող:
Կնոջն անգիտակից վիճակումհասցրել են հիվանդանոց, հաղորդում է «FederalPost»-ը՝ վկայակոչելով «Huffington Post»-ին:
Միջադեպը լցրել է նրա գործընկերների համբերության բաժակը, որոնք դադարեցրել են աշխատանքը՝ ղեկավարության կողմից օդորակիչի վերանորոգմանը հասնելու համար:
Գործադուլից քիչ անց վարձակալողը ժամանակավոր աշխատակիցներ է գտել, սրճարանի գործունեությունը վերականգնվել է: Այժմ հաստատության աշխատակիցներին մտահոգում է աշխատանքից հեռացումը. նրանք հույս ունեն, որ իրենց ղեկավարը վրեժ չի լուծի բողոքի ակցիայի համար: