23-07-2014 09:39

Կործանված Boeing-ի «սև արկղերը» փոխանցվել են հոլանդացիներին

Ինչպես հայտնում է lenta.ru-ն Մալայզիայի իշխանությունները հոլանդացի հետաքննիչներին են փոխանցել Ուկրաինայում կործանված ինքնաթիռի «սև արկղերը»: Նիդեռլանդների ԱԳՆ-ում հայտնել են, որ «սև արկղերը» փոխանցվել են անվտանգության ազգային վարչությանը, որը գլխավորում է ավիաաղետի հանգամանքների միջազգային հետաքննությունը։ Ավելի ուշ «սև արկղերը» կտեղափոխվեն Մեծ Բրիտանիա, որտեղ նրանց վերծանմամբ կզբաղվեն մասնագետներ Ֆառնբորո քաղաքից։