Երուսաղեմում ձերբակալվել են ամուսիններ, որոնք փորձում էին վաճառել եռամսյա աղջկան դրամախաղի պարտքերը վճարելու համար: Երեխային ընտանիքի հայրը գնահատել է 100 հազար շեքել (մոտ 26 հազ. դոլար): Ըստ իսրայելական ոստիկանության, այն բանից հետո, երբ ոստիկանությունը պարզել է տղամարդու երեխային վաճառելու ծրագրերի մասին, նրա մոտ է ուղարկել իրավապահ օրգանների աշխատակցին: Նա ներկայացել է որպես պոտենցիալ գնորդ և մի քանի անգամ հանդիպել է նրա հետ: Վերջին հանդիպման ժամանակ չարագործը բերել է աղջկան: Այսպիսով, ըստ ոստիկանության, նա փորձում էր արագացնել գործարքը: Տղամարդը պնդում էր, որ երեխային ձեռք բերելու մեջ շահագրգռված է ևս մեկ ընտանիք (իրավապահները նշում են, որ այդ հայտարարությունները չեն համապատասխանում իրականությանը): Վաճառողը ձերբակալվել է աղջկան ոստիկանության գաղտնի աշխատողին փոխանցելու ժամանակ: Ավելի ուշ կալանավորվել է նաև նրա կինը,սակայն վերջինիս մասնակցության աստիճանը քրեական սխեմայի մեջ պարզ չէ: Աղջիկը այժմ գտնվում է սոցիալկան հատուկ աշխատակիցների խնամքի տակ:
Բավ է պառակտվել