Սիրիայի բանակը աշխարհազորայինների աջակցությամբ վերցրել է Դամասկոսի արևելյան արվարձաններում գտնվող Մարջ ալ-Սուլթան զինվորական օդանավակայանի վերահսկողությունը: Հաղորդել է աշխարհազորի աղբյուրը: « Մարջ-ալ-Սուլթան ավիաբազան ազատ է արձակվել: «Ջեհբադ ան- Նուսրա» և «Ջեիշ ալ-Իսլամ»-ի ահաբեկիչները նահանջել են Քուշ ալ-Սալիհի կողմը: Վերացվել տասնյակ զինյալներ », - ասել է նա: Բանակն ու աշխարհազորայինները կարողացել են անվտանգ գոտի ստեղծել օդանավակայանի շուրջը: Բանակի ինժեներական զորամիավորումը սկսել է ականազերծման աշխատանքները: Մարջ ալ-Սուլթան ավիաբազան գտնվում է Սիրիայի մայրաքաղաքից 18 կմ հեռավորության վրա: Ռազմական օդանավակայանը «Ջեիշ ալ-Իսլամ»-ի ահաբեկիչների հիմնական պատվարներից մեկն էր: