10-01-2014 10:42

Դինքի գործով վերջին երկու ձերբակալվածներն ազատ են արձակվել

«Ակօս» թերթի հայազգի խմբագրապետ Հրանտ Դինքի սպանության գործով երկու օր առաջ Տրապիզոնում ձերբակալված Օսման Հայալն ու Զեյնել Աբիդին Յավուզն ազատ են արձակվել, տեղեկացնում է tert.am-ը։ Ստամբուլի ծանր հանցագործությունների 14-րդ դատարանի վճիռը մասամբ բեկանելուց հետո 18 կասկածյալների գործը դարձյալ քննելու որոշում էր կայացվել։ Դատական նիստին չներկայանալու պատճառով նրանցից երկուսի՝ Օսման Հայալի և Զեյնել Աբիդին Յավուզի առնչությամբ ձերբակալության որոշում էր կայացվել։ Երեկ նրանք ցուցմունք են տվել, ինչից հետո ազատ են արձակվել՝ երկրից չհեռանալու պայմանով։