Այսօր, ՀՀ ԱԺ նիստում, «Ժառանգություն» խմբակցության պատգամավոր Թևան Պողոսյանը ԱԺ նախագահ Հովիկ Աբրահամյանից հետաքրքրվեց, թե ինչ գործողություներ են ծրագրվում Թուրքիայի կողմից սիրիահայերի տարհանումը կանխելու ուղղությամբ։ Նա նշեց, որ Թուրքիայի կողմից ռազմական գործողություններ են սկսվել և հայերին տարհանում են։ ՛՛Այսպիսիով՝ կարելի է ասել՝ սկսում ենք կորցնել Մերձավոր Արևելքի հին հայկական համայնքներից մեկը։ Հարյուր տարին չբոլորած նրանք երկրորդ անգամ տարահանվում են իրենց բնօրրանից։ Ի՞նչ գործողություններ են ծրագրավորվում անել, միգուցե լինելով ՄԱԿ-ի անվտանգության խորհրդի անդամ` ինչ-որ քայլե՞ր պետք է արվեն։ Մեր հայրենակիցների վիճակն իսկապես դժվար է և արտակարգ միջամտություն է պահանջվում»,-ԱԺ նիստի սկզբին նշեց պատգամավորը։ ԱԺ նախագահ Հովիկ Աբրահամյանն արձագանքեց, որ գործողությունների ծրագրի մասին խոսելն ավելորդ է և ավելի ճիշտ կլինի ՀՀ արտաքին գործերի նախարարության պատասխանատուներին հրավել, ովքեր կներկայացնեն իրադարձություները։ «Բոլորս էլ մտահոգված ենք, դա ավելի խորը խնդիր է, պետք է մյուս պատգամավորները ձևակերպեն ու կազմակերպեն տեղեկատվությունը»,-ասաց նա։