Էրդողանը պատրաստ է հրաժարական տալ, եթե հաստատվեն իսլամիստներից նավթի գնման մասին տեղեկությունները: Այս մասին Թուրքիայի ղեկավարը հայտարարել է Ռուսաստանի նախագահ Վլադիմիր Պուտինի խոսքերից հետո, որը Սու-24-ի վրա հարձակումը կոչել է փորձ պաշտպանել ԻՊ-ից նավթի մատակարարումը Թուրքիա: Էրդողանն «անբարոյական» է անվանել «Իսլամական պետություն» ահաբեկչական խմբավորումից նավթի գնման մասին Թուրքիային ուղղված մեղադրանքները: Նա ավելացրել է, որ նման մեղադրանքները «ապացույցներ են պահանջում»: Բացի այդ, Էրդողանը նշել է, որ այն երկրները, որոնցից Թուրքիան նավթ է գնում հայտնի են. «Մենք նավթ ենք գնում Ռուսաստանից, Իրանից, Ադրբեջանից, Քաթարից և Նիգերիայից: Մենք նման զրպարտություն չենք ընդունում», - նշել է Էրդողանը: Մեկնաբանելով Թուրքիայի դեմ Մոսկվայում ձեռնարկած տնտեսական միջոցառումները, Էրդողանը նշել է, որ Անկարան գործելու է «համբերատար, առանց զգացմունքայնության»: Ըստ նրա, Թուրքիան ռուսական Սու -24-ի հետ կապված միջադեպից հետո, ջանում է կանխել Ռուսաստանի հետ հարաբերությունների խզումը:
Բավ է պառակտվել