28-02-2014 09:09

Ողբերգական ավտովթար Թաիլանդում.զոհվել է 15 մարդ

Այսօր առավոտյան Թաիլանդի արևելքում բեռնատարի և դպրոցական ավտոբուսի մասնակցությամբ տեղի ունեցած վթարի հետևանքով զոհվել է առնվազն 15 մարդ, ևս 30-ը վիրավորվել են, հայտնում է lenta.ru-ն:
Վթարը տեղի էր ունեցել, երբ 10-14 տարեկան աշակերտները ծով էին մեկնում: Զոհերի շարքում կան 13 աշակերտ և երկու ուսուցիչ: Նրանցից 11-ը մահացել է տեղում, իսկ մյուսները` հիվանդանոցում:
AFP-ին տեղի ոստիկանության ներկայացուցիչն ասել է, որ ըստ նախնական տվյալների՝ ` կարող էին խափանված լինել երկհարկանի ավտոբուսի արգելակները, կամ էլ վարորդն էր քնել ղեկին: