Կիրակի ավելի քան մեկ մլն մարդ փողոց են դուրս եկել Բրազիլիայի տասնյակ քաղաքներում, որոնք պահանջում են երկրի նախագահ Դիլմա Ռուսեֆի հրաժարականը: Ցուցարարները նրան մեղադրում են երկրում տնտեսական ճգնաժամի եւ կոռուպցիայի մակարդակի բարձրացման համար: Ցուցարարները նաեւ կոչ են անում իշխանություններին մանրամասն հետաքննել Petrobras նավթային ընկերության հետ կապված աղմկահարույց կոռուպցիոն գործը, որի ղեկավարը 7 տարի եղել է հենց Ռուսեֆը: «Մենք հազարներ ենք եւ պահանջում ենք Դիլմա Ռուսեֆի հրաժարականը»,-«Ֆրանս Փրեսին» ասել է Սան Պաոլոյում ցույցի մասնակիցներից Ռուբեն Նունյեսը, հաղորդում է «ՌԻԱ նովոստին»: Ցույց եր են տեղի ունենում Բրազիլիայի 83 քաղաքներում, այդ թվում մայրաքաղաք Բրազիլիայում: