«Իսլամական պետություն» ահաբեկչական կազմակերպության գրոհայինները նոր ահաբեկչություններ են նախապատրաստում Եվրոպայում, որոնք գտնվում են նախապատրաստման տարբեր փուլերում, հայտնում են աղբյուրները ԱՄՆ-ում:
Նշվում է, որ այդ տեղեկությունները հաղորդողների և էլեկտրոնային ստուգման տվյալները վերջին մի քանի ամիսների ընթացքում ցույց են տալիս, որ ԻՊ-ի գրոհայինները Եվրոպայում հարձակումների մի քանի թիրախ են ընտրել։
Ամերիկյան հակաահաբեկչական ստորաբաժանումների աշխատակիցները հայտնել են, որ թեև ահաբեկիչները չեն կարողացել իրականացնել մի քանի հարձակում, որոնց իրականացման մոտավոր ժամանակը և վայրը հայտնի է եղել, ԻՊ-ի կողմնակիցներն առանձնանում են ճկունությամբ` իրենց պլանների խափանման դեպքում:
«Կան վկայություններ, որ նրանք շրջում են Եվրոպայով, սակայն դեռևս չեն կողմնորոշվել և նոր հարձակման հույս ունեն»,- նշել է աղբյուրը:
Ավելի վաղ հաղորդվել է, որ Ֆրանսիայում ձերբակալվել է մի տղամարդ, ում կասկածում են ահաբեկչական հարձակում նախապատրաստելու համար։
Հիշեցնենք, որ Բելգիայում եռօրյա սուգ է` ի հիշատակ Բրյուսելում ահաբեկչական հարձակումների զոհերի: Երեք պայթյունների հետևանքով մահացել է ավելի քան 30 մարդ, վիրավորվել՝ ավելի քան 250-ը։