11-10-2016 17:06

Ամբողջ աշխարհի օդանավակայանների Wi-Fi գաղտնաբառերը` մեկ քարտեզի վրա

Համակարգչային անվտանգության ինժեներ և բլոգեր Անիլ Պոլատը (Anil Polat) բոլոր ճանապարհորդներին հսկայական ծառայություն է մատուցել:

Նա ստեղծել է WiFox անունով ինտերակտիվ քարտեզ, որը ներկայացնում է ամբողջ աշխարհով մեկ խոշոր օդանավակայանների մեծ մասի Wi-Fi ցանցերի անվճար գաղտնաբառերը:

Ահա ինչ տեսք ունի այն` քարտեզի վրա ինքնաթիռների սիմվոլներով նշված են օդանավակայանները, իսկ ձախ կողմում գտնվում է ցուցակ, որը պարունակում է ցանցերի անուններն ու դրանց գաղտնաբառերը։

Այն շատ պարզ է օգտագործման համար։ Բավական է գտնել անհրաժեշտ օդանավակայանը, որը քարտեզի վրա նշված է ինքնաթիռի նշանով, քլիք անել այն և ստանալ տեղեկությունն այն մասին, թե որտեղ է ցանցն աշխատում ամենաարդյունավետ կերպով, և գաղտմաբառի մուտքագրման ցուցում, եթե այն պետք է։

Որոշ օդանավակայաններում անվճար Wi-Fi–ը հասանելի է բոլորին, իսկ որոշներում` միայն առաջին և բիզնես–կարգի ուղևորներին։ Անիլ Պոլատը քարտեզում ընդգրկել է Vip-լաունջների, ինչպես նաև որոշ ռեստորանների և սրճարանների անուններն ու դրանց Wi-Fi ցանցերի գաղտնաբառերը։

Տեղեկատվությունը մշտապես թարմացվում է, հայտնվում են այլ քաղաքների և օդանավակայանների տվյալներ։

Ճանապարհորդների առավել հարմարավետության համար քարտեզը հասանելի է նաև iOS և Android օպերացիոն համակարգերով աշխատող գաջեթների համար։