17-06-2016 12:43

Բաքվում «Formula 1» -ի անցկացումը նյարդայինացնում է քաղաքացիներին

Ադրբեջանի մայրաքաղաք Բաքվում հունիսի 19- կմեկնարկի Formula 1 եվրոպական Գրան պրին: Սա առաջին անգամն է, որ Ադրբեջանը կհյուրընկալի Formula 1-ը, և նավթով հարուստ պետությունը ևս մեկ անգամ որևէ ջանք չի խնայի ցույց տալու համար, որ կարող է հյուրընկալել նման խոշոր իրադարձություն:
Ադրբեջանի Ժողովրդական ճակատ կուսակցության նախագահ (ԱԺՃԿ) Ռազի Նուրուլլաևը դեմ է հանդես եկել նման միջոցառումների անցկացումը մի միջավայրում, որտեղ դրանց կազմակերպումը անհարմարություն է պատճառում Ադրբեջանի քաղաքացիներին, «նյարդայինացնում է նրանց», քանի որ «դրանց վրա անիմաստ գումարներ են ծախսվում»:
Ըստ նրա, կառավարությունը պարտավորվել է իրականացնել այդ միջոցառումները 10 տարվա ընթացքում, ուստի այդ մրցույթի իրականացմանը դեմ դուրս գալը ոչինչ չի փոխի:
«Նախ, անընդունելի է մրցույթներն անցկացնել քաղաքի կենտրոնում: Բաքուն առանց այդ էլ խնդիրներ ունի երթևեկության խցանումների, ճանապարհների և ավտոկայանատեղերի հետ: Կենտրոնում ճանապարհների ավելի քան մեկ ամսով արգելափակումը գերզբաղվածություն է առաջացնում քաղաքի ծայրամասերում», - ասել է Նուրուլլաևը:
Բացի այդ, ըստ նրա, երկրի տնտեսության համար նման բարդ ժամանակահատվածում ճանապարհի կառուցման համար, որը հետագայում պետք է ապամոնտաժվի, 100 միլիոն ծախսելը մտահոգություն և վրդովմունք է առաջացնում: «Պարզ է, որ այս ամենը, այս կերպ ծրագրողը սխալվել է: Ադրբեջանում մրցույթների անցկացման մտքից առաջացած էյֆորիայի հետևանքով նրանք հաշվի չեն առել այն բոլոր խնդիրները, որ ստեղծել են», - ավելացրել է նա: