Ադրբեջանի զինված ուժերի հրթիռա-հրետանային զորքերը սկսել են ծրագրված զորավարժություններ, հայտնում է երկրի պաշտպանության նախարարությունը:
Ինչպես հաղորդել է պաշտպանության նախարարությունը, զորավարժություններում ներգրավված են Ռուսաստանից գնված և ոչ վաղ անցյալում Ադրբեջանի զինված ուժերի կազմը համալրած «Մստա Ս» ինքնագնաց հաուբիցները:
Դաշտային պայմաններում անցկացվող զորավարժությունները միտված են կատարելագործել հրետանային համակարգերի մարտական ծավալումը, դրանց արդյունավետ օգտագործումը մյուս զորատեսակների հետ փոխգործակցությամբ և մարտական տարրերի գործնական կիրառումը: