Wikileaks-ի հիմնադիր Ջուլիան Ասանժը հայտարարեել է, որ մոտ ապագայում կլքի Լոնդոնում Էկվադորի դեսպանատունը: Այս մասին գրում է «Գազետա.ռու»-ն:
«Ես շուտով կլքեմ Էկվադորի դեսպանատունը»,-ասել է Ասանժը:
Իսկ թե երբ դա տեղի կունենա, հայտնի չէ:
2012-ի ամռանը Ասանժը ապաստան էր խնդրել Էկվադորի ԱԳՆ-ից, որպեսզի խուսափի Շվեդիա արտահանձնումից, որտեղ նա մեղադրվում էր սեռական բնույթի հանցագործությունների մեջ, կամ ԱՄՆ, որտեղ նա կարող էր բանտարկվել լրտեսության համար:
Ավելի վաղ տեղեկություն էր հայտնվել, որ Ասանժը չի պատրաստվում լքել Էկվադորի դեսպանատունը, որպեսզի հանձնվի բրիտանական իշխանություններին: