Նախօրեին սաուդյան Ջիդդում հանդիպել են արաբական երկրների ԱԳՆ ղեկավարները, ինչ արդյունքում հրապարակել են կոմյունիկե, որտեղ նշվում է, որ Մերձավոր Արևելքում տիրող իրավիճակից դուրս գալու համար հարկավոր է ջանքեր և աշխատանք ներդնել՝ ղեկավարվելով Արաբական պետությունների լիգայի սկզբունքներով: Այս մասին հաղորդում է ИТАР-ТАСС-ը:Սաուդյան Արաբիայի ԱԳՆ ղեկավարի գլխավորությամբ ընթացող խորհրդակցությանը մասնակցել են Եգիպտոսի, ԱՄԷ-ի, Կատարի արգործնախարարները, ինչպես նաև Հորդանանի արտաքին գործերի նախարարի խորհրդականը:
Համաձայն ամփոփիչ փաստաթղթի՝ նիստի ժամանակ քննարկվել է Մերձավոր Արևելքում տիրող իրավիճակը, ինչպես նաև որոշակի խնդիրներ, որոնց բախվում են տարածաշրջանի երկրները, մասնավորապես ահաբեկչությունը և դրա հետևանքները տարածաշրջանային ու համաշխարհային մասշտաբներով: Օրակարգում է եղել նաև Սիրիայում տիրող իրավիճակը: