ԱՄՆ-ի իշխանությունները սեպտեմբեի վերջին զորավարժություններին մասնակցելու համար 200 զինվոր են ուղարկում Ուկրաինա։ Այս քայլն ուղղված է ՆԱՏՕ-ի անդամ չհանդիսացող Ուկրաինային ԱՄՆ-ի համերաշխությունն արտահայտելուն։
Ըստ Պենտագոնի մամուլի քարտուղար Սթիվեն Ուորենի՝ Իտալիայում տեղակայված 173-րդ հետեւակային դիվիզիայի 200 զինվորների մասին է խոսքը, հայտնում է BBC-ի ռուսական ծառայությունը։
Ամերիկացի զինվորներն առաջին անգամ կայցելեն Ուկրաինա՝ հարավ-արեւելքում ռուսամետ անջատականների հետ զինված բախումներ սկսելուց հետո։
«Արագ եռաժանի» մանեւրների անցկացումը, որին կմասնակցեն 15 երկրներից, նախատեսված է սեպտեմբերի 13-26-ին։
Ըստ Ուորենի՝ դրանք խաղաղապահ զորավարժություններ կլինեն։
Զորավարժությունների ընթացքում մարտական փամփուշտներով չեն կրակի՝ կենտրոնանալով խաղաղապահների գործողությունների, հերթապահության, շարասյուների ուղեկցության եւ սարքերի վնասազերծման վրա։