Ամերիկյան փոքր Դորսեթ քաղաքում (Մինեսոտա նահանգ), որտեղ ապրում է 22 մարդ, անցկացվել են քաղաքապետի հերթական ընտրությունները։ Համաձայն արդյունքների՝ նոր քաղաքապետ է ընտրվել 3-ամյա Ջեյմս Թաֆթսը։
Նշվում է, որ նա դարձել է ԱՄՆ պատմության մեջ ամենաերիտասարդ քաղաքապետը:
Թաֆթսն այդ պաշտոնում փոխարինել է իր 6-ամյա եղբորը, ով քաղաքապետ էր ընտրվել 2 տարի ժամկետով։ Ընտրությունների օրը սկսնակ «քաղաքական գործիչն» ընտրողներին խոստացել է հաղթելու դեպքում նրանց պաղպաղակ հյուրասիրել։
Թաֆթսի մայրը պատմել է, որ Ջեյմսը շատ հուզված է եղել, երբ հասկացել է, որ հաղթել է։ Նա նաև նշել է, որ երեխան մեծ ջանքեր է ներդրել այդ պաշտոնը ստանալու համար, սակայն հետագայում նա չի պատրաստվում շարունակել քաղաքական գործչի կարիերան, այլ մտադիր է ձկնորս դառնալ։ Նշենք, որ ընտրությունները ձևական բնույթ են կրում։