BBC-ի ռուսական ծառայությունը տեղեկացնում է, որ ըստ ՄԱԿ-ի հայտարարություն, նախորդ տարի 2012-ի համեմատ, Աֆղանստանում զոհված և վիրավորված խաղաղ բնակիչների թիվն աճել է 14 տոկոսով: Կազմակերպության հաշվարկներով՝ մոտ 3 հազար խաղաղ բնակիչ է զոհվել, ավելի քան 5,5 հազարը՝ վիրավորվել:
Զեկույցում նաև նշվում է, որ զոհերի զգալի մասը կանայք և երեխաներ են: ՄԱԿ-ի փորձագետները այս արդյունքները կապում են Աֆղանստանից միջազգային զորքերի դուրս բերման հետ: