Ամերիկացի զինվորականների խումբը վայրէջք է կատարել Իրաքի Սինջար լեռան վրա, որպեսզի օգնություն տրամադրի հազարավոր փախստական եզդիներին, ովքեր լքել են իրենց տները՝ փրկվելով ջիհադիստ զինյալներից, հաղորդում է BBC-ը:
Նախօրեին Պենտագոնի ղեկավար Չակ Հեյգելը հաղորդել էր, որ ԱՄՆ-ի իշխանությունները 130 զինվորական խորհրդատու են ուղարկել Իրաքի հյուսիս՝ անհրաժեշտ հումանիտար օգնության չափերը գնահատելու նպատակով:
Վաշինգթոնը Իրաքի ղեկավարությանը խոստացել էր օգնել «Իսլամական պետություն» խմբավորման ջիհադիստ-զինյալների դեմ պայքարում:
Եզդիների համայնքի անդամները լեռներ են փախել 10 օր առաջ, սուննի զինյալների կողմից Սինջարը գրավելուց հետո: