Մոսկվայում ավարտին մոտեցող շախմատի աշխարհի 8-րդ չեմպիոն Միխայիլ Տալի 10-րդ հուշամրցաշարում հոկտեմբերի 5-ին կանցկացվի նախավերջին՝ 8-րդ տուրը:
Լեւոն Արոնյանը սպիտակներով կմրցի չինացի Լի Չաոյի հետ: Հայկական շախմատի առաջատարն ունի 4 միավոր եւ Վիշվանաթան Անանդի ու Վլադիմիր Կրամնիկի հետ բաժանում է 3-5-րդ տեղերը:
Միանձնյա առաջատարը ռուս Յան Նեպոմնյաշչին է, որը հավաքել է 5 միավոր: Հոլանդացի Անիշ Գիրին 4.5 միավորով երկրորդ տեղում է:
Պարտիաները կմեկնարկեն Երեւանի ժամանակով 16։00-ին։
Միխայիլ Տալի հուշամրցաշար, 8-րդ տուր
Լեւոն Արոնյան (Հայաստան) - Լի Չաո (Չինաստան)
Վլադիմիր Կրամնիկ (Ռուսաստան) - Եվգենի Տոմաշեւսկի (Ռուսաստան)
Անիշ Գիրի (Հոլանդիա) - Շաքրիյար Մամեդյարով (Ադրբեջան)
Յան Նեպոմնյաշչի (Ռուսաստան) - Վիշվանաթան Անանդ (Հնդկաստան)
Պյոտր Սվիդլեր (Ռուսաստան) - Բորիս Գելֆանդ (Իսրայել)
Մրցաշարային դրությունը 7-րդ տուրից հետո. Նեպոմնյաշչի՝ 5 միավոր, Գիրի՝ 4,5, Արոնյան, Կրամնիկ, Անանդ՝ 4-ական, Սվիդլեր, Չաո՝ 3,5-ական, Մամեդյարով՝ 3, Տոմաշեւսկի՝ 2,5, Գելֆանդ՝ 1: