01-08-2016 11:51

Սյուզի Կենտիկյանը պաշտպանեց աշխարհի չեմպիոնի տիտղոսը

Պրոֆեսիոնալ բռնցքամարտի կանանց թեթևագույն քաշային կարգում WBA վարկածով աշխարհի չեմպիոն Սյուզի Կենտիկյանն անցկացրել է հերթական մենամարտը և պաշտպանել տիտղոսը:

Գերմանիայի Համբուրգ քաղաքում կայացած 10 ռաունդանոց մենամարտում Գերմանիան ներկայացնող 28-ամյա Սյուզի Կենտիկյանը միավորներով հաղթել է խորվաթ Նևենա Միկուլիչին:

Սա Կենտիկյանի 36-րդ հաղթանակն է պրոֆեսիոնալ ռինգում։ Նախորդ մենամարտն անցկացրել էր 2015 թվականի հոկտեմբերի 4-ին և հաղթել մեքսիկացի Սուսանա Կրուզ Պերեսին: