12-01-2014 17:51

Սոչիի ձմեռային Օլիմպիադան կարող է ձախողվել

Ըստ բրիտանական Daily Mail պարբերականի, այս տարվա փետրվարին Սոչիում կայանալիք ձմեռային Օլիմպիական խաղերը եղանակային անբարենպաստ պայմանների պատճառով կարող են պատմության մեջ ամենաանհաջողը լինել:

Պարբերականն իր մտավախությունը բացատրում է նրանով, որ թեև Խաղերի մեկնարկին 1 ամսից էլ քիչ ժամանակ է մնացել, սակայն այնտեղ եղանակը ոչ թե ձմեռային է այլ «վաղ գարնանային»։ Ձյան շերտի բարձրությունը չի գերազանցում 2 սմ-ն, իսկ օդի ջերմաստիճանն էլ +17 է։

Իսկ ինչ վերաբերում է Խաղերի անվտանգությանը, ապա այն ևս մտածելու տեղիք տվող հարց է։ Հայտնի է, որ Խաղերի ժամանակ մասնակիցների ու հյուրերի անվտանգությունն ապահովելու է 40.000-ից ավելի զինվոր։