«Պտտաձողին մեծ պտույտ ետ» վարժության Գինեսի ռեկորդակիր Ռոման Սահրադյանն այսօր կայացած ասուլիսին հայտնեց, որ անցած տարի 30 րոպեում 1001 պտույտով ռեկորդ գրանցելուց հետո, այս տարի որոշել է սահմանել իր սեփական ռեկորդը՝ ոչ թե պտույտների քանակի, այլ արագության վրա հիմնվելով: Ռեկորդակիրը նշեց, որ մեկ տարի մարզվելուց հետո այսօր արդեն հասել է այնպիսի արդյունքի, որ կարող է ներկայացնի Գինեսի ռեկորդների հանձնաժողովին: Նա մեկ րոպեում պետք է 40-50 պտույտ կատարի: Այս թիվը սահմանել են Գինեսի ռեկորդների գրքի հանձնաժողովի անդամները: Ռեկորդի սահմանումը տեղի կունենա սեպտեմբերի 30-ին, ժամը 16:30 Հանրապետական հիվանդանոցի հարակից այգում՝ շոու-մրցակցության ընթացքում: Ռ. Սահրադյանը նշեց, որ նա N զորամասի պայմանագրային աշխատակից է և իր կոլեգաներից մեկը՝ Նարեկ Ադամյանը ևս ցանկանում է այդ օրը մրցել իր հետ: «Ես ուրախ կլինեմ, որ հայ «մարզիկ» գերազանցի իմ ռեկորդը»,- ասաց Սահրադյանը:
Նա նշեց, որ այդ մրցությանը ներկա կլինի նաև «Հայկական դյուցազնագրքի» նախագահը: Ինչ վերաբերվում է դրամանակ կամ այլ տեսակի պարգևներին, ապա նա ասաց, որ. « Գինեսի ռեկորդակիր լինելը ճանաչում է տալիս ողջ աշխարհում, և հնարավորություն՝ օգտագործել գինեսի լոգոտիպը ցանկացած ապրանքի վրա, բացի ծխախոտից և խմիչքից: Շատ մարզիկներ ունենք, որ կարող են ռեկորդներ սահմանել, սակայն չեն ցանկանում, քանի որ չկա ֆինանսական որևէ մրցանակ»:
Մարինե Բարսեղյան