Աշխարհի առաջին ռակետ Սերենա Ուիլյամսը սենսացիոն պարտություն կրեց Ռիո դե Ժանեյրոյում ընթացող ամառային Օլիմպիական խաղերի թենիսի կանանց մենախաղի երրորդ շրջանում:
1/8 եզրափակիչում ամերիկուհին 4:6, 3:6 հաշվով պարտվեց ուկրաինացի Էլինա Սվետոլինային: Մրցախաղը տեւեց 1 ժամ 12 րոպե: Քառորդ եզրափակիչում Սվետոլինան կհանդիպի չեխ Պետրա Կվիտովային:
Հիշեցնենք, որ ավելի վաղ Սերենա Ուիլյամսը լքել էր նաեւ զուգախաղի մրցաշարը: Ռիո-2016-ում անհաջող էր հանդես նաեւ եկել աշխարհի առաջին ռակետ Նովակ Ջոկովիչը, որը դուրս է մնացել մենախաղի եւ զուգախաղի մրցաշարերից:
Նախորդ 2 Օլիմպիական խաղերում Սերենա Ուիլյամսը 2 ոսկե մեդալ է նվաճել մենախաղում եւ զուգախաղում: