Երեկ Լեհաստանի Վալբրժիխ քաղաքում ընթացող Եվրոպայի մինչև 23 տարեկանների առաջնությունում Հայաստանը ներկայացնող ազատ ոճի ըմբիշ, 61 կգ քաշային Վոլոդյա Ֆրանգուլյանը (ԲԿՄԱ, անձնական մարզիչ՝ Ցոլակ Հարոյան) հռչակվել է Եվրոպայի չեմպիոն: Վոլոդյա Ֆրանգուլյանը 1/8 եզրափակչում 5:4 հաշվով առավելության է հասել Բելառուսը ներկայացնող Դիանիս Մաքսիմաուի նկատմամբ, 1/4 եզրափակչում 6:0 հաշվով հաղթանակ է տոնել երիտասարդների աշխարհի չեմպիոն ադրբեջանցի Ահմեդնաբի Գվարզատիլովի նկատմամբ, իսկ կիսաեզրափակչում 9:7 հաշվով հաղթել է թուրք Ռեսեփ Թոփալին: Այս մասին հայտնում է ՀՀ սպորտի և երիտասարդության հարցերի նախարարության պաշտոնական կայքը: Մեր մարզիկը եզրափակչում 8:3 հաշվով պարտության է մատնել ուկրաինացի Անդրեյ Սվիրիդին և նվաճել ոսկե մեդալ: