Հայաստանի հավաքականի կիսապաշտպան Հենրիխ Մխիթարյանը մինչ «Մանչեսթեր Յունայթեդ» տեղափոխվելը սպառնում էր իր նախկին ակումբ «Բորուսիային»:
Ըստ տեղեկությունների 27-ամյա հայ ֆուտբոլիստը, արագացնելու համար տրանսֆերը, sms-հաղորդագրություններ էր ուղարկում Դորտմունդի ակումբի գլխավոր մարզիչ Թոմաս Տուխելին` սպառնալով չմասնակցել մարզումներին, եթե «Մանչեսթեր Յունայթեդ» տրանսֆերը չկայանա:
Իրադարձություններին մոտ կանգնած աղբյուրի տվյալներով, Մխիթարյանը նույն ռազմավարությունը կիրառել է նաև 2013 թ.-ին` «Շախտյորից» «Բորուսիա» տեղափոխվելիս:
Անձամբ Մխիթարյանն այս տեղեկատվությունը չի մեկնաբանել:
Նախօրեին կիսապաշտպանը «4+1» սխեմայով պայմանագիր է ստորագրել «Մանչեսթեր Յունայթեդի հետ», տրանսֆերի արժեքը կազմել է 42 մլն եվրո: