Շախմատի Հայաստանի հավաքականի առաջատար Լևոն Արոնյանը կմասնակցի ՖԻԴԵ-ի հավակնորդների մրցաշարին, որը անցկացվելու է Մոսկվայում հաջորդ տարի, հայտնում է Հայաստանի շախմատի ֆեդերացիայի կայքը: Ռուսաստանի Դաշնության մայրաքաղաք Մոսկվայում մարտի 10-ից 30-ը կայանալիք մրցաշարին կմասնակցեն Հիկարու Նակամուրան, Ֆաբիանու Կարուանան, Սերգեյ Կարյակինը, Պյոտր Սվիդլերը, Վեսելին Տոպալովը, Անիշ Գիրին, Վիշի Անանդը և Լևոն Արոնյանը: Հավակնորդների մրցաշարի մրցանակային ֆոնդը կազմում է 420 հազար եվրո: