Ռիոյի Օլիմպիական խաղերի սուսերամարտի ոսկին նվաճեց գեղեցկուհի Յանա Եգորյանը։ Նա հաղթանակ տարավ աշխարհի ուժեղագույն սուսերամարտիկ Սոֆիա Վելիկայայի նկատմամբ 15:14 հաշվով։
Իր փառահեղ հաղթանակից հետո նա չէր կարողանում կառավարել էմոցիաները։ Ուշքի գալուց հետո նա մոտեցել է Սոֆիա Վելիկայային և ամուր գրկել նրան՝ ականջին շշնջալով «աջակցության և երախտագիտության խոսքեր», ինչպես հետո ինքը խոստովանեց։
Յանան չի թաքցնում, որ շատ բան է սովորել Սոֆիա Վելիկայայից և միշտ ցանկացել է նմանվել նրան։ Այնպես ստացվեց, որ բաղձալի ոսկին Յանան նվաճեց հենց իր կուռքի հետ մենամարտում։
Յանա Եգորյանը տված հարցազրույցում, պատասխանելով այն հարցին, թե, արդյո՞ք, իրեն ճանաչված է համարում, պատասխանել է, որ «Ես երեկ, այսօր և վաղը լինելու եմ Եգորյան: Այ եթե ամուսնանամ... չնայած ոչ, արդեն հիմա ազգանունս էլ չեմ փոխի, կմնամ Եգորյան»:
Վերջին չորս տարիների ընթացքում նա հաղթում է Եվրոպայի բոլոր առաջնություններում։ Աշխարհի առաջնության կրկնակի մրցանակակիր է։
2010 թվականին սուսերամարտիկը նվաճել է պատանեկան Օլիմպիական խաղերի ոսկին։
Իսկ Ռիոյի հաղթանակի շնորհիվ նա պատմության մեջ մտավ որպես Ռուսաստանը ներկայացնող առաջին օլիմպիական չեմպիոնուհին կանանց և մեծահասակների շրջանում։
Հուսանք, որ Յանա Եգորյանը Սոֆիա Վելիկայայի հետ ևս մեկ ոսկե մեդալ կնվաճեն Ռիոյի Օլիմպիադայում՝ թիմային մրցումներում։
Յանան սիրում է տրամադրող երաժշտություն, գրքեր և մեքենաներ
Յանան ծնվել է Երևանում 1993 թ., իսկ 6 տարեկան հասակում ընտանիքի հետ տեղափոխվել է Մերձմոսկովյան շրջան: