Լոնդոնի «Չելսին» հետաքրքրված է Դորտմունդի «Բորուսիայի» ու Հայաստանի հավաքականի կիսապաշտպան Հենրիխ Մխիթարյանի ծառայություններով: Անգլիական ակումբը 27-ամյա ֆուտբոլիստի համար առաջարկել է ավելի քան 60 մլն եվրո՝ մտադիր լինելով շարունակել նրան ձեռք բերելու փորձերը։
Ընթացիկ մրցաշրջանում Հայաստանի ընտրանու ավագը շատ ուժեղ ու արդյունավետ խաղ է ցուցադրում։ Գերմանիայի ընթացիկ առաջնությունում անցկացրած 29 խաղում նա խփել է 11 գոլ ու կատարել 13 արդյունավետ փոխանցում։ Բացի այդ, Եվրոպա լիգայում անցկացրած 15 խաղում Մխիթարյանը դարձել է 7գոլ ու 9 գոլային փոխանցման հեղինակ։