«Մանչեսթեր Յունայթեդի» երկրպագուները գումար են հավաքում` գլխավոր մարզիչ Ժոզե Մոուրինյուի դեմ ակցիա կազմակերպելու համար, որի ղեկավարությամբ թիմը 10 հանդիպումներից հետո Անգլիայի առաջնության աղյուսակում զբաղեցնում է 8-րդ տեղը:
Երկրպագուները մտադիր են ինքնաթիռ վարձել, որը սեփական դաշտում առաջիկա հանդիպման ժամանակ կթռչի «Օլդ Թրաֆֆորդի» վրայով` «Մոուրինյու, հեռացի՛ր» պաստառով:
«Երախտապարտ կլինենք ցանկացած ֆինանսական օգնության համար», - նշվում է երկրպագուների Twitter-յան էջերից մեկում:
Երկու տարի առաջ «Մանչեսթեր Յունայթեդի» երկրպագուները նմանատիպ ակցիա անցկացրին ընդդեմ գլխավոր մարզիչ Դևիդ Մոյեսի, ով հետագայում հեռացվեց պաշտոնից: