27-10-2016 06:58

Բռնցքամարտիկ Արթուր Աբրահամը վնասվածք է ստացել. ռևանշ–մենամարտը չի կայանա

Սփարինգ մենամարտի ժամանակ հայ պրոֆեսիոնալ բռնցամարտիկ Արթուր Աբրահամը վնասել է արմունկը, հայտնում է մարզիկի մամուլի քարտուղար Սիրան Գրիգորյանը։

Ավելի վաղ հաղորդվել էր, որ Աբրահամը պատրաստվում էր բրիտանացի Մարտին Մյուրեյի հետ ռևանշ մենամարտի, որը նախանշված էր նոյեմբերի 12-ին Մոնտե Կառլոյում:

Ըստ հաղորդման, նոյեմբերի 12-ի մենամարտը բռնցքամարտիկի վնասվածքի պատճառով չեղարկվել է, Աբրահամը երեք շաբաթով կդադարեցնի մարզումները:

Ինչպես հայտնում է Գրիգորյանը, Արթուր Աբրահամի գալիք մենամարտի ժամկետը և մրցակցի անունը դեռևս որոշված չեն։

Մյուրեյի հետ մեր հայրենակիցն արդեն մեկ անգամ մենամարտել է: Աբրահամի և Մյուրեյի միջեւ առաջին մենամարտը տեղի է ունեցել 2015-ի նոյեմբերին և ավարտվել է Արթուրի հաղթանակով: