08-12-2015 12:48

Ես, որ Հայաստանի հող ու ջրում եմ, դա արդեն ինձ համար հանգիստ է. Աբրահամ

Ես, որ Հայաստանի հող ու ջրում եմ, դա արդեն ինձ համար հանգիստ է. այսօր լրագրողների հետ հանդիպման ընթացքում այսպիսի հայտարարություն արեց երեկ Երևան ժամանած պրոֆեսիոնալ բռնցքամարտիկ, WBO վարկածով աշխարհի չեմպիոն Արթուր Աբրահամը: Բռնցքամարտի հաջորդ մարտը 2016 թվականի մարտ ամսին է: Արթուր Աբրահամն ասաց, որ մրցակիցը մեքսիկացի է, ով 25 մարտ անընդմեջ պարտություն չի կրել: «Երկու տարի կմենամարտեմ, և հնարավոր է թողնեմ բռնցքամարտը, որպեսզի զբաղվեմ նորմալ կյանքով: Տարվա մեջ 8 ամիս ապրում եմ հյուրանոցներում»,- ասաց բռնցքամարտիկը: Հարցին, թե անձնական կյանքում արդեն փոփոխություն կա, Արթուր Աբրահամը պատասխանեց, որ ամուսնացել է, կնոջ անունը Մերի է, սովորում է Երևանի պետական համալսարանում: Մանրամասներ ներկայացնելիս, Արթուր Աբրահամն ասաց, թե հարսանիքը եղել է վեց ամիս առաջ՝ Հայաստանում: