12-04-2017 14:41

Արթուր Աբրահամը կմենամարտի Կրասնիկիի հետ՝ WBO վարկածով աշխարհի չեմպիոնի տիտղոսը վիճարկելու նպատակով


Գերմանիայում բնակվող հայազգի բռնցքամարտիկ, IBF վարկածով միջին քաշայինների կարգում աշխարհի չեմպիոն Արթուր Աբրահամը կմենամարտի լեհ բռնցքամարտիկ Ռոբին Կրասնիկիի հետ:
37-ամյա Աբրահամի և 29-ամյա Կրասնիկիի մենամարտը կկայանա ապրիլի 22-ին՝ գերմանական Էրֆուրտ քաղաքում:
«Հաղթողը հնարավորություն կստանա WBO վարկածով աշխարհի չեմպիոնի տիտղոսի համար մենամարտել 26-ամյա մեքսիկացի Հիլբերտո Ռամիրեսի հետ»,- ասված է հաղորդագրության մեջ:
Ռամիրեսը WBO վարկածով գերքաշային կարգում 2016 թ. աշխարհի չեմպիոն է:
36-ամյա Արթուր Աբրահամը (Ավետիք Աբրահամյան) ծնունդով հայաստանցի է, ով ելույթ է ունենում Գերմանիայի դրոշի ներքո: 2012թ. օգոստոսին խլելով Ռոբերտ Շտիգլիցի չեմպիոնական գոտին դարձավ WBO վարկածով երկրորդ միջին քաշում աշխարհի չեմպիոն: 2013թ. մարտի 23-ին նույն Շտիգլիցի հետ մենամարտում « Արթուր Արքան» չկարողացավ պաշտպանել իր տիտղոսը:
Սակայն, 2014 թ. մարտին Աբրահամը վերադարձրեց իր չեմպիոնական տիտղոսը՝ ռևանշ մենամարտում հաղթելով Շտիգլիցին, իսկ հետո պահպանեց այն Նիկոլա Սյեկլոչայի, Փոլ Սմիթի և Մարտին Մյուրրեյի հետ մենամարտերում:
2016թ. ապրիլի սկզբին հայ բռնցքամարտիկն իր չեմպիոնական գոտին զիջեց մեքսիկացի Հիլբերտո Ռամիրեսին: 2016թ. նոյեմբերի 12-ին ծրագրված էր Աբրահամի ռևանշ մենամարտը Մյուրրեյի հետ, սակայն այն հետաձգվել է հայ բռնցքամարտիկի վնասվածքի պատճառով: