10-10-2016 13:09

Հայաստանի ֆուտբոլի հավաքականը մեկնեց Վարշավա

Հոկտեմբերի 10-ի առավոտյան Հայաստանի ազգային հավաքականը Երևան-Վարշավա չարտերային թռիչքով մեկնել է Լեհաստան:

Վարուժան Սուքիասյանի գլխավորած թիմը Աշխարհի առաջնություն-2018-ի որակավորման փուլի երրորդ տուրում վաղը՝ հոկտեմբերի 11-ին, հանդիպելու է Լեհաստանի ընտրանուն։ Այս մասին նշված է Հայաստանի ֆուտբոլի ֆեդերացիայի պաշտոնական կայքում:

Հայաստանի ազգային հավաքականի կազմում Լեհաստան է մեկնել 22 ֆուտբոլիստ: Հավաքականի կիսապաշտպան Հենրիխ Մխիթարյանն այս խաղին նույնպես չի մասնակցի։