Անթալիայում ընթացող GD tennis cup women's մրցաշարում իր առաջին հանդիպումն է անցկացրել Հայաստանի լավագույն թենիսիստուհի Անի Ամիրաղյանը:
22-ամյա հայուհու մրցակիցն էր Ուզբեկստանը ներկայացնող Վլադա Էշկիբարովան էր, ում Անին վստահորեն հաղթել է 6:2, 6:2 հաշվով: 10 000 դոլար մրցանակային ֆոնդ ունեցող մրցաշարի 1/8 եզրափակչում Ամիրաղյանը մրցելու է ֆրանսիացի Ժոզեֆին Բուալեի հետ: Հիշեցնենք, որ նախորդ շաբաթ հայ թենիսիստուհին հասել էր Անթալիայում ընթացող մեկ այլ մրցաշարի եզրափակիչ: