23-12-2013 13:32

Տոներին, քաղաքացիների դիմումների և բողոքների քննարկման հանձնաժողովը չի աշխատելու

Հայաստանի պաշտպանության նախարարին առընթեր հասարակական խորհուրդը տեղեկացնում է, որ ձմեռային զորակոչի ընթացքում քաղաքացիների դիմումների և բողոքների քննարկման հանձնաժողովի վերջին նիստն ընթացիկ տարում կկայանա դեկտեմբերի 26-ին:

«Հանձնաժողովի աշխատանքները կվերսկսեն Ամանորի և Սուրբ ծննդյան տոներից հետո` 2014թ. հունվարի 9-ին եւ կշարունակվեն մինչև զորակոչի ավարտը: Հանձնաժողովի նիստերը գումարվում են երկուշաբթի և հինգշաբթի օրերին Մոսկովյան 5 հասցեում գտնվող հասարակական խորհրդի աշխատավայրում: Դիմում-բողոքներն ընդունվում են աշխատանքային բոլոր օրերին: Տեղեկությունների համար զանգահարել 010523482, 010523486 հեռախոսահամարներով»,-ասված է հանձնաժողովի տարածած հաղորդագրության մեջ: