Այսօր լրագրողների հետ հանդիպման ընթացքում ԱԻՆ Հիդրոմետ ծառայության Օդերևութաբանության կենտրոնի պետ Զարուհի Պետրոսյանը տեղեկացրեց, որ Հայաստանում մարտ ամիսը ընթանում է եղանակային նորմալ պայմաններով, վեգետացիան սկսվել է 15-20 օր ժամկետից շուտ, ծիրանենին Արարատյան դաշտավայրում սկսել է ծաղկել մարտի 17-ից: «Բուռն ծաղկում կլինի և մինչև մարտի 24-25-ը Արարատյան դաշտավայրում ծիրանենին ամբողջությամբ ծաղկած կլինի»,- ասաց Պետրոսյանը: Ըստ անախոսի՝ հանրապետությունում առաջիկայում ցրտեր չեն սպասվում: «Մարտի առաջիկա 5 օրերին կդիտվի առանց տեղումների եղանակ: Օդի ջերմաստիճանը գիշերային ժամերին Արարատյան դաշտավայրում կլինի զրոյից 2 աստիճան, սակայն բացասական ջերմաստիճան չի սպասվում»,-ասաց Զարուհի Պետրոսյանն ու հավելեց, որ մարտի սկզբներին տեղումների սակավությունը, կլրացվի ամսվա վերջերին, երբ սպասվում են առատ տեղումներ:
Բավ է պառակտվել